Sorteo #1 dunhas sandalias de eFerro

Pincha na imaxe para agrandar

Iniciamos con este unha serie de SORTEOS en beneficio das Festas da Guadalupe 2022.

Para este primeiro sorteo contamos cunha xenerosa doazón da nosa zoqueira preferida, Elena Ferro: unhas sandalias eFerro modelo Teño un amor en Rianxo. Moitísimas grazas!

A forma de participar é novedosa: as rifas non son físicas, senón virtuais. Podedes conseguilas facendo doazóns por Bizum, a razón de 1 euriño por rifa. É dicir, se queredes 2 rifas, podedes facer un Bizum de 2 euros, e participaredes no sorteo co dobre de posibilidades de gañalo.

O proceso é o seguinte:

  1. Desde xa, e ata o 23 de xuño (incluído), envía unha doazón por Bizum ao ID 05402 (tes que seleccionar a opción de doazón a unha ONG).
  2. Cada euro doado darache dereito a unha participación no sorteo.
  3. Garda a referencia do Bizum realizado, xa que será o que che pediremos para comprobar o premio.
  4. Os días seguintes realizarase o sorteo de forma transparente por medios electrónicos e daremos a coñecer na web e nas redes sociais a referencia premiada e unha serie de suplentes.
  5. Se es a persoa premiada, deberás poñerte en contacto connosco para que comprobemos que efectivamente tes o xustificante do Bizum realizado.
  6. Se nun prazo de 3 días non aparece a referencia premiada, anunciaremos que pasamos á seguinte reserva.

A participación neste sorteo implica a aceptación destas bases.

Moita sorte!

 

Dejar un comentario

Tu dirección de correo electrónico no será publicada. Los campos obligatorios están marcados con *

Scroll Up